CANDLE (MOMBATTI) MAKING BUSINESS WITH A HUGE AMOUNT OF PROFIT
![]() |
| CANDLES |
![]() |
| Diwali Celebration with Candles |
Candle ke bahut se variety aate hai market me jaise simple, colouring, medicated and scented. Aajkal colouring Candles ka use bahut jyada hota hai and scented candle ka bhi demand bahut jyada hai. Candle making ek international business hai aur India me bhi isski demand bad gayi hai.
Candle making business gharelu uddyog ki category me atte hai aur isse aap ghar se bhi start kar sakte hai khali aapko ek 12 x 12 room chahiye hota hai jisme aap apna raw material, machine aur mom pighalane ki jagah, oven ya sukhane ki jagah ho.
Candle making business start karne se pahle training lena jaruri hota hai tab aap thik se candle taiyar kar payenge. Ye ek creativity work hai agar aapki Candles ki colour combination, size aur sughand (aroma), packaging logo ko pasand ayenge to aapko business me jyada munafa hoga. Issliye Training lena bahut hi jaruri hai. India me iske bahut sare training center hai jo ki Candle banana sikhate hai. Kuch to free bhi hota hai. NGO ya Aaganbadi jaise sanstha ki taraf se free me training di jati hai. Nahi to aap koi bhi center fees dekar training lekar iss business ko start kar sakte hai.
Candle Making Classes
Candle making business ek gharelu uddyog hai issliye ladies and anusuchit jantati and anusuchit jatio ko Government ki taraf se loan diya jata hai taki woh bhi apna business start kar sake aur iss laggu uddyog ko badawa mile. Iss business ko start kadne liye permit ki jarurat padti hai to aap bhi apni area ki business authority officer se permit lekar start kare.
![]() |
| Candle Making |
Candle Making Raw Materials
Generally Paraffin wax se candle taiyar hoti hai. Bees wax yani ki madhumakhhi bhi mom taiyar karti hai. Aajkal Soya Wax se Candle bhi banaye jate hai kyuki ye jyada der tak jalti hai aur environment friendly hai.
- Paraffin Wax ya Soya wax.
- Colour.
- Container.
- Cotton Thread (Wick Wax).
- Sancha (Mold).
- Essential Oils for scent.
- Candle Flame (Mom ko pighlane ke liye oven).
Aap Candle Making Raw Materials Online ya apni near ki market se kharid kar apni business start kar sakte hai.
Aapke pas jyada investment nahi hai to aap manual machine ka use kar sakte hai. Agar aap jyada investment kar sakte hai to automatic ya semi-automatic machine kharid sakte hai. Candle making machine ki price uski productivity, size ya weight ke hisab hoti hai. Candle Making Machine
- Manual machine ki price lagbhag 30,000 se 50,000 tak hoti hai.
- Semi-Automatic Machine ki price 50 se 75 k tak hai.
- Fully automatic machine ki price 5 se 6 lakh tak ki hoti hai.
![]() |
| Candle making machine |
Candle making ke liye koi khas degree ki jarurat nahi hoti hai. Agar aap 8th pass ho bhi to chalega lekin training jaruri hai. Humhare government ki taraf se koi training center chalaye jate hai. To aap bhi apni nearest training center me jakar training kar sakte hai aur apni business shuru kar sakte hai. Iske liye aapko jyada investment ki jarurat nahi padegi. Agar aap small business se start karna chahte hai to ghar se hi start kare aur hand made taiyar kar sakte hai. Agar aap machine se banata chahte hai machine laga lijiye isme investment jyada padega aur kamai bhi jyada hogi, aap iske liye loan bhi le sakte hai.

























